நிழல்களின் நாடகம்.
கோபயாஷி மசாகி இயக்கிய பிளாக் ரிவர் அமெரிக்க ராணுவத்தின் கட்டுப்பாட்டிலிருந்த ஜப்பானிய வாழ்க்கையைப் பேசுகிறது. 1957ல் வெளியான திரைப்படம். ஜப்பானிய கறுப்பு வெள்ளைப்படங்களுக்கென விசேசமான அழகியல் இருக்கிறது. இப்படத்திலும் அதைக் காண முடிகிறது. அடித்தட்டு மக்களின் வாழ்க்கையைப் பேசும் மாக்சிம் கார்க்கியின் The Lower Depths நாடகத்தின் சாயலில் உள்ள படம். அமெரிக்க ராணுவ முகாமிற்குச் செல்லும் சாலையில் ஆற்றங்கரையோரமாகக் குடிசைப்பகுதி காணப்படுகிறது. கைவிடப்பட்ட குடியிருப்பு போன்ற பழைய கட்டிடம் ஒன்றில் குறைவான வாடகைக்குப் பலரையும் குடிவைத்துள்ளார்கள். …