மார்க்வெஸின் சேவற்சண்டை
கேப்ரியல் கார்சியா மார்க்வெஸ் தனது யாரும் எழுதுவதில்லை கர்னலுக்கு குறுநாவலில் சேவற்சண்டையைப் பற்றி எழுதியிருக்கிறார். அதில் வரும் கர்னல் மார்க்வெஸின் தாத்தா நிகோலாஸ் ரிக்கார்டோவின் மறுவடிவம் என்றொரு குறிப்பை வாசித்திருக்கிறேன். காளைச் சண்டையைப் பற்றி ஹெமிங்வே எழுதியதைப் போலச் சேவற்சண்டையைப் பற்றிச் சிறப்பாக எழுதியவர் மார்க்வெஸ். எனது பால்ய வயதில் எனது கிராமத்திலும். சுற்றியுள்ள ஊர்களிலும் சேவற்சண்டை நடப்பதைக் கண்டிருக்கிறேன். சண்டைச்சேவல்களை வளர்த்தவர்களையும் அறிவேன். சேவல் வளர்க்க விரும்பிய வசதியானவர்கள் அதனைக் கோவிந்தன் என்பவரின் பொறுப்பில் வளர்க்க …