எஸ். ராமகிருஷ்ணன்

இளம் ஐஏஎஸ் அதிகாரியான இளம்பகவத் நேற்று தனது இரண்டு நண்பர்களுடன் வீட்டிற்கு வந்திருந்தார். ஐஏஎஸ் தேர்விற்காகத் தயாராகும் பலரும் என்னை வந்து சந்திப்பதுண்டு. தமிழ் இலக்கியம், வரலாறு, நுண்கலைகள் சார்ந்து விவாதிப்பார்கள். விகடனில் கதாவிலாசம் எழுத துவங்கிய நாள் முதல் இளம்பகவத் என்னைத் தொடர்ந்து வாசித்து வந்திருக்கிறார். இந்திய ஆட்சிப்பணியில் உள்ள பலர் தீவிர இலக்கியவாசிப்புக் கொண்டவர்கள் என்பதை அறிவேன். தமிழ் வழி கல்வி பயின்று தமிழிலே ஐஏஎஸ் எழுதி இந்திய அளவில் 117வது இடம்பிடித்துச் சாதனை …

இளம்பகவத் Read More »

தஸ்தாயெவ்ஸ்கியைத் தீவிரமாக வாசிப்பவர்கள் பலர் இருக்ககூடும். ஆனால் வேலூர் லிங்கம் அளவிற்குத் தஸ்தாயெவ்ஸ்கியை ஒருவர் நேசிக்க முடியுமா என்பது சந்தேகமே. 40 ஆண்டுகளுக்கும் மேலாகத் தீவிர இலக்கியவாசிப்பில் ஈடுபட்டு வரும் இவர் தற்போது ஒய்வு பெற்று வேலூரில் வசிக்கிறார். தமிழின் முக்கிய எழுத்தாளர்கள் அனைவருக்கும் நண்பர். இலக்கியவிழாக்களைத் தேடித்தேடி கலந்து கொள்ளக்கூடியவர். அவரது வீட்டிற்குச் சமீபத்தில் சென்றிருந்தேன். வீட்டின் முகப்பில், ஹாலில், அறைகளில். மாடியில் என எங்கும் புத்தகங்கள். நூலகத்தில் கூட இவ்வளவு சிறந்த புத்தகங்கள் இருக்குமா என …

வேலூர் லிங்கம் Read More »

உலகக் கவிதையரங்கில் கொரியக்கவிஞர் கோ யுன் (Ko Un) மிகப்பெரும் கவியாக கொண்டாடப்படுகிறார். இரண்டு முறை இவரது பெயர் நோபல் பரிசிற்குப் பரிந்துரை செய்யப்பட்டிருக்கிறது. அரசு எதிர்ப்பின் காரணமாக சிறையில் அடைக்கபட்ட கோ யுன் இருட்டறையில் வாழ்ந்த போது அவருக்குக்கிருந்த ஒரே துணை சூரிய வெளிச்சம் மட்டுமே. துளை வழியாக உள்ளே வரும் அந்த வெளிச்சத்தை கடலாகவே அவர் கருதினார். இதுவரை 155 கவிதைத் தொகுதிகள் வெளியிட்டிருக்கிறார்.  கவிதையுலகில் இது பெரும்சாதனை. பதினைந்து மொழிகளில் இவரது கவிதைகள் …

கோ யுன் Read More »

ஞானபீடப்பரிசு பெற்ற அஸ்ஸாமிய எழுத்தாளர் இந்திரா கோஸ்வாமி. இவரது தென்காமரூபத்தின் கதை என்ற நாவல் 2011ல் வெளியாகியுள்ளது. சாகித்திய அகாதமி இதனை வெளியிட்டுள்ளது. தென்காமரூபத்தின் கதையைத் தமிழில் மொழிபெயர்ப்பு செய்துள்ளவர் அ. மாரியப்பன். இவர் தில்லி பல்கலைகழகத்தில் தமிழ்பேராசிரியராகப் பணியாற்றிவருகிறார். அஸ்ஸாமியர்களால் தங்களின் அன்புக்குரிய பாய்தேவ் (மூத்த சகோதரி) என்று அழைக்கப்பட்டவர் இந்திரா கோஸ்வாமி என்ற மாமோனி ராய்சோம் கோஸ்வாமி இவர் இரவீந்திரபாரதி பல்கலைகழகத்தில் டாக்டர் பட்டம் பெற்றுள்ளார், அஸ்ஸாம் ரத்னா, சாகித்ய அகாதமி விருது உள்ளிட்ட …

காமரூபத்தில் உலவும் நிழல்கள் Read More »

கவிக்கோ அப்துல்ரகுமானின் மறைவிற்கு ஆழ்ந்த இரங்கல்கள். கல்லூரி நாட்களில் அவரது பால்வீதி படித்து வியந்து கவிஞர் மீராவின் மூலமாகக் கவிக்கோ அவர்களைச் சந்தித்துப் பழகத்துவங்கினேன். சென்னைக்கு வந்த பிறகு அடிக்கடி அவரது வீட்டிற்குச் சென்று வருவேன். நிறையப் புத்தகங்கள். இசைநாடாக்களைப் பரிசாகக் கொடுத்திருக்கிறார். அவர் ஆசிரியராகப் பணியாற்றிய தமிழன் என்ற நாளிதழில் அவருடன் இணைந்து பணியாற்றியிருக்கிறேன். மறக்கமுடியாத நாட்கள். மூன்று ஆண்டுகளுக்கு முன்பாகக் குற்றாலத்தில் கவிக்கோ நடத்திய இஸ்லாமிய இலக்கியக்கருத்தரங்கிற்குச் சிறப்பு அழைப்பாளராகச் சென்றிருந்தேன். அவருடன் தென்காசி …

அஞ்சலி Read More »

இம்மாத தடம் இதழில் மார்க்ஸின் இருநூறாவது பிறந்த நாளை முன்னிட்டு அவர் விரும்பிய செவ்வியல் இலக்கியங்கள். எழுதிய கவிதைகள் குறித்த கட்டுரை ஒன்றை எழுதியிருக்கிறேன் ••

குறும்பட இயக்குனரும் சிறந்த இலக்கியவாசகருமான பவித்ரன் இலக்கியப்பெட்டி என்ற இணைய காணொளித் தொடர் ஒன்றை பகிர்ந்து வருகிறார். இதன் மூலம் சிறந்த புத்தங்களைத் தேர்வு செய்து அறிமுகப்படுத்துகிறார்.  எனது சமீபத்திய நாவல் மற்றும் கட்டுரைத் தொகுப்பை சிறப்பாக அறிமுகம் செய்திருக்கிறார். பவித்ரனுக்கு என் அன்பும் பாராட்டுகளும் இலக்கியப் பெட்டி (Literature Box ) பதின் – எஸ். ராமகிருஷ்ணன் (paththin – S Ramakrishnan) https://youtu.be/IBYY16N3RxE நிலவழி – எஸ். ராமகிருஷ்ணன்; இந்திய இலக்கிய ஆளுமைகள் https://youtu.be/VIMjy1-qThI

எனது மகன் ஹரிபிரசாத் இயக்கியுள்ள குறும்படம் இணைப்பு https://youtu.be/gsG5ct3ITNg

எழுத்தாளர்களைப் பற்றிய திரைப்படங்களாக  பார்த்துக் கொண்டுவருகிறேன். பெரும்பான்மையான படங்கள் மேலோட்டமாக உருவாக்கபட்டிருக்கின்றன. எழுத்தாளன் என்ற பிம்பம் எப்போதுமே எவரையும் புரிந்து கொள்ளாதவராக, குடும்பத்தை வெறுப்பவராக, உறவுகளில் சிக்கல் கொண்டவராகவே சித்தரிக்கபடுகிறது. எழுத்தாளர்களைப் பற்றிய படம் என்றபோதும் இவை முதன்மையாக எழுத்தாளனின் காதலைப் பேசுபவை. இந்தத் திரைப்படங்களைப் பற்றி விரிவாக ஒரு கட்டுரை எழுதிக் கொண்டிருக்கிறேன். 1.     பாப்லோ நெருதாவைப்பற்றிய திரைப்படம் Neruda / 2016 / directed by Pablo Larraín. 2.     ஆஸ்கார் ஒயில்ட் பற்றிய …

எழுத்தாளர்களைப் பற்றிய திரைப்படங்கள் Read More »