நண்பரின் வீட்டில் அவரது நான்கு வயது மகளைச் சந்தித்தேன். உன் பேரு என்னவென்று கேட்டேன். சம்ஷிகா என்றாள். உனக்கு எத்தனை வயசாகுது என்று கேட்டேன். எனக்கு நாலு வயது ஆகுது. இந்த வீட்டிலயே நான் தான் பெரிய ஆள் என்றாள். உங்க அப்பாவுக்கு எவ்வளவு வயசு ஆகுது என்று கேட்டேன். அதை போய் அவர்கிட்டே கேளு என்றாள். உனக்கு என்ன பிடிக்கும் என்றேன். அவள் ஒரு நிமிசம் கூட யோசிக்காமல் ரிமோட் கண்ட்ரோல் என்றாள். நண்பர் சிரித்தபடியே …
தமிழ் சினிமா பற்றி கருத்தியல் சார்ந்த தீவிரமான ஆய்வுக்கட்டுரைகள். மாற்று சினிமா குறித்த அறிமுகம் மற்றும் பார்வையாளனின் ரசனை மாற்றங்கள், சினிமா உருவாக்கும் சமுதாயப் பாதிப்புகள் என விரிந்த தளத்தில் இயங்கும் புதிய சினிமா இதழாக வெளியாகி உள்ளது காட்சிப்பிழை, இதன் ஆசிரியர் சுபகுணராஜன், வெங்கடேஷ் சக்கரவர்த்தி ,எம்.எஸ்.எஸ்.பாண்டியன், ஸ்டிபன் ஹுயூஸ் ,சுந்தர் காளி ,ராஜன் குறை , இவர்களுடன் நானும் ஒரு கட்டுரை எழுதியிருக்கிறேன். சுபகுணராஜன் நவீன நாடகங்களில் தீவிர ஈடுபாடு கொண்ட நடிகர் மற்றும் …
முந்தாநாள் மாலை நான்கு மணியிருக்கும். பாலாவின் அவன்இவன் படப்பிடிப்பு தளத்தில் இருந்தேன். வெளியே பாருங்கள். அதற்குள் இருட்டிவிட்டது என்ற குரல் கேட்டது. அறையை விட்டு வெளியே வந்து நின்று பார்த்தேன். சுற்றிலுமிருந்த மரங்கள் தெரியவில்லை. சட்டென பகல் மறைந்து எங்கும் இருண்டிருந்தது. இது அன்றாடம் காணும் இருளில்லை. சிம்னியை கரிப்புகை மறைத்து கொண்டிருப்பது போல பகல்வெளிச்சத்தை இந்த இருள் மூடிக் கொண்டுவிட்டதோ என்று தோன்றியது. மாலை நான்கு மணிக்கு இப்பிடி இருண்டு போவது அபூர்வம். ஆகாசத்தையே பார்த்துக் …
காதல்மேஜை. முள்கரண்டி ஒன்று வெள்ளியால் ஆன ஸ்பூன் ஒன்றை நீண்ட நாட்களாக காதலித்து கொண்டிருந்தது. இருவரும் மிக நெருக்கமாக ஒரே மேஜையில் இருந்தபோதும் ஸ்பூன் தான் ஒரு பேரழகி என்ற பெருமிதத்தில் முள்கரண்டியை பெரிதாக கண்டு கொள்ளவேயில்லை முள்கரண்டி தீராத காதலின் ஏக்கத்துடன் ஸ்பூனை பார்த்து சொன்னது .”தேனில் கிடந்து ஸ்பூன்களின் குரலும் கூட இனிப்பான இருக்கிறது. அதற்காகவே காதலிக்க விரும்புகிறேன்.” மாறாக ஸ்பூன் சொன்னது .”முள்கரண்டிகள் அருவருப்பானவை. அவை எதையும் லாவகமாக கையாளுவதேயில்லை. குத்தி கிழிப்பது …
கடந்த சில வருசங்களில் நான் பார்த்த ஆகச்சிறந்த படம் இதுவே என்பேன். Le Grand Voyage என்ற இந்த பிரெஞ்சு படத்தை பார்த்துவிட்டு மூன்று நாட்களுக்கு வேறு எதையும் பாரக்கவோ படிக்கவோ மனது நிலை கொள்ளவில்லை. காட்சிகள் மனதில் பச்சென ஒட்டிக் கொண்டுவிட்டன. எப்போதாவது அபூர்வமான தருணங்களில் தான் திரைப்படம் என்னை அழ வைத்திருக்கிறது. இந்தபடமோ நாலைந்து முறை திரையை உறைய செய்துவிட்டு ஆசுவாசப்படுத்திக் கொண்டு பார்க்கும் உணர்ச்சிபீறடலை உருவாக்கியது. Ismael Ferroukhi,இயக்கி 2004ம் ஆண்டு வெளியான …
எனது கதை ஒன்றினை திரைப்படக்கல்லூரியை சேர்ந்த மாணவர் லோகேஷ் மற்றவள் என்ற குறும்படமாக இயக்கியிருக்கிறார். இந்தக் கதை குறும்படத்திற்காகவே எழுதப்பட்டது. அதன் திரைக்கதை வசனத்தை நானே எழுதியிருக்கிறேன். ஒளிப்பதிவு துறையில் பயின்ற லோகேஷ் இக் குறும்படத்தை மிக அழகாக ஒளிப்பதிவு செய்து இயக்கியிருக்கிறார். இரண்டு ஆண்டுகளுக்கு முன்பாக முரளி மனோகர் இயக்கி எனது கதை வசனத்தில் வெளியான குறும்படமான கர்ணமோட்சம். தேசிய விருது உள்ளிட்ட பல முக்கிய விருதுகளை பெற்றுள்ளது. அதன்பாதையில் மற்றவளும் தற்போது சில குறும்பட …
மலையாள எழுத்தாளர் வைக்கம் முகமது பஷீரை பற்றி எப்போது நினைக்கும் போது கூடவே தா.மணியின் நினைவும் சேர்ந்துதான் வருகிறது. ஒரு வேளை எனக்கு பஷீரை அறிமுகம் செய்து வைத்தவர் என்ற காரணமாக இருக்ககூடும். இன்னொன்று அவரைப் போல பஷீரை நேசித்தவர்கள் எவரையும் இன்று வரை நான் காணவில்லை என்பதும் காரணமாக இருக்ககூடும் தா.மணி எழுத்தாளர் அல்ல. ஆனால் எழுத்தாளர் ஆவதற்கான அத்தனை குணங்களும் அவதானிப்புகளும் அவரிடமிருந்தன. விரும்பி எழுத்தாளர் ஆகாமல் இருந்தாரோ என்னவோ. தீவிரமான இலக்கிய வாசகர். …
ஜெரி டிரிங்காவின் (Jiri Trnka))மூன்று அனிமேஷன் திரைப்படங்களைச் சமீபத்தில் பார்த்தேன். இவை Puppet animation வகையை சேர்ந்தவை. 1950களில் வெளியான இவை பெரியவர்களுக்கான அனிமேஷன் படங்கள். பெரியவர்கள் தங்கள் பால்யவயதோடு பொம்மைகளை விட்டு விலகிப் போய்விடுகிறார்கள். அவர்களுக்கு பொம்மைகளை மறுநினைவு கொள்ள வைப்பதே தனது நோக்கம் எனும் டிரிங்கா, கதை கேட்பதில் குழந்தைகள் எப்போதும் ஆர்வமானவர்கள். பெரியவர்களை கதை கேட்க வைப்பது கடினம். ஆகவே தனது பொம்மலாட்ட சினிமாவை ஒரு சவாலான கலைவடிவம் என்கிறார். நிஜமான பொம்மைகளை …
புத்தகம் படிப்பது என்பது எளிமையானதில்லை. அது ஒரு நுட்பமான கலை. என்ன படிப்பது. எப்படி படிப்பது. ஏன் சில புத்தகங்கள் உடனே புரிந்துவிடுகின்றன. சில புரிவதேயில்லை. ஒரே புத்தகம் எப்படி வெவ்வேறு வாசகர்களால் வேறு விதமாகப் படிக்க படுகிறது. சில புத்தகங்கள் ஏன் பல நூறு வருசமாக யாவருக்கும் பிடித்திருக்கிறது. படிப்பதனால் என்ன பயனிருக்கிறது. இப்படி புத்தகங்கள் தொடர்பாக நூறு கேள்விகளுக்கும் மேலாகயிருக்கின்றன. இந்தக் கேள்விகளை வேறு வேறு வடிவங்களில் உலகின் எல்லா இடங்களிலும் யாரோ யாரிடமோ …
பழனி அருகே ரயில்வே கேட் மூடப்பட்டிருக்கிறது என்று பேருந்தில் காத்திருந்தேன். சற்று தொலைவில் சிறிய மலை. அதன் நிறம் பச்சை கலந்த சாம்பல். எல்லையற்ற பரந்த வெளி. பின்மதிய நேரம். உருண்டுகிடக்கும் பாறைகள். கூட்டமாக ஆடுகள் ஆங்காங்கே மேய்ந்துகொண்டிருந்தன. ஆடுகள் மேயும் காட்சி எப்போதுமே மிக பழமையானதொரு காலத்தை நினைவுபடுத்துகிறது. பார்க்க எளியதாக தோன்றும் ஆடுமேய்த்தல் மிக கடினமான வேலை. ஆடுகளின் மீது கண் இருந்து கொண்டேயிருக்க வேண்டும். ஆட்டு இடையர்கள் வீட்டில் இருந்து கிளம்பும் போது …
