ஒரு ஆண்டு நம்மை கடந்து செல்கிறது என்பது புரிந்து கொள்ள முடியாத ஒரு மாயம். இன்றைக்கும் பழக்க தோஷத்தில் 2008 என்று தான் கையெழுத்து இடுகிறேன். மனதிலிருந்து 2008 முழுவதுமாக வெளியேற வில்லை. திட்டு திட்டான நினைவுகளாகவும் சிறு சம்பவங்களாகவும் உடைந்த கண்ணாடி துண்டின் சில்லுகளை போல பழசை நினைவுபடுத்திக் கொண்டு தானிருக்கிறது.
ஒரு வருடத்தின் நினைவாக நமக்குள் மிஞ்சியிருப்பது அதிகபட்சம் பத்து நாட்கள் அல்லது பதினைந்து நாட்கள். அதற்கான காரணமும் கவனமும் ஆளுக்கு ஆள் மாறுபட்டது மற்றவை எளிய அன்றாட தினங்கள். எல்லா நாட்களையும் போல என்று சொல்வோமோ அப்படி தான்.
நண்பர்களை சந்தித்துவிட்டு புது வருசம் பிறந்த இரவின் மெல்லிய பனி விழும் சாலையில் தனியே நின்று கொண்டிருந்தேன். பின்னிரவின் ஆழ்ந்த சுகந்தம் எங்கும் பரவியிருந்தது. கண்முன்னே விரிந்து கிடக்கும் இருளையும் அசைவற்ற தென்னை மரங்களையும் துயில் கொண்டிருந்த வீடுகளையும், நட்சத்திரங்கள் ஒளிரும் வானத்தையும் பார்த்து கொண்டிருந்தேன்.
வேகமாக பைக்கில் வந்த இருவர் என்னை பார்த்து உற்சாகத்துடன் கையசைத்தபடியே கடந்து போனார்கள். நானும் கையசைத்தேன். முகம் தெரியாத இந்த சந்தோஷ பரிமாற்றம் இது போன்ற தினங்களில் சில நிமிசங்கள் தோன்றி மறைவதோடு நம்மை விட்டு விலகிவிடுகிறதே அது ஏன் என்று தோணியது.
இயல்பான நாட்களில் யாரும் யாருடனும் புன்னகைப்பதுமில்லை. பரஸ்பரம் வணக்கம் சொல்வதுமில்லை. அதற்கு ஒரு புது வருட தினம் தேவைப்படுகிறது.
கணிணி முன் அமர்ந்தபடியே 2008 ஆண்டில் நான் படித்த புத்தகங்கள், பார்த்த உலக திரைப்படங்கள், தமிழ் ஹிந்தி படங்கள், சென்ற ஊர்கள், வாசித்த இணையதளங்கள் , நம்பிக்கை தரும் இளம் படைப்பாளிகள் யாவையும் நினைவில் புரட்டி பார்த்துக் கொண்டிருந்தேன்.
இந்த வருசத்தின் துவக்க பதிவாக 2008 என் விருப்ப பட்டியலை பகிர்ந்து கொள்ளலாம் என்று தோணியது.
இது தரவரிசையில்லை. விருப்பத்தினை வரிசைபடுத்தியிருக்கிறேன் அவ்வளவே.
எனக்கு பிடித்த பத்து உலகத் திரைப்படங்கள்
1) Camille Claudel – Bruno Nuytten
2) kite Runner.- Marc Forster
3) Katyn – Andrzej Wajda
4) The Counterfeiters – Stefan Ruzowitzky
5) Jasmine Women – Hou Yong
6) Schizo – Gulshat Omarova
7) Raising Victor Vargas – Peter Sollett
8) The Magdalene Sisters – Peter Mullan
9) The Legend of Rita – Volker Schlndorff
10) Balzac and the little chines Seamistress – Sijie Dai
பத்து ஹாலிவுட் திரைப்படங்கள்
The Dark Knight
Kung Fu Panda
WALL-E
Slumdog Millionaire
Mongol
Flawless
Che
Rescue Dawn
The Bucket List
wicked spring
பத்து ஹிந்தி திரைப்படங்கள்
1) A Wednesday
2) Tahaan
3) Jaane Tu Ya Jaane Na
4) Fashion
5) Rock On
6) Aamir
7) Halla Bol
8) Mumbai Meri Jaan
9) Welcome to Sajjanpur
10) The Last Lear
பத்து தமிழ் திரைப்படங்கள்
1)சுப்ரமணியபுரம்
2. காஞ்சிவரம்
3. வாரணம் ஆயிரம்
4. பூ
5. தசாவதாரம்
6. ராமன் தேடிய சீதை
7. அஞ்சாதே
8. யாரடி நீ மோகினி
9. சந்தோஷ் சுப்ரமணியம்
10. சரோஜா
சிறந்த பத்து தமிழ் புத்தகங்கள்
1) கருத்த லெப்பை – கீரனூர் ஜாகிர் ராஜா
2) எரியும் பனிக்காடு – டேனியல்
3) சொல்லில் அடங்காத இசை – இசைக்கட்டுரைகள் – ஷாஜி
4) நார்மன் பெத்யூன் வாழ்க்கை வரலாறு.
5) மார்த்தாஹரி – நாகரத்தினம் கிருஷ்ணனா
6) துங்கபத்திரை- பாவண்ணன்
7) நாடற்றவனின் குறிப்புகள் – கவிதைதொகுப்பு. இளங்கோ
8) நட்சத்திரங்கள் ஒளிந்து கொள்ளும் கருவறை – பவா. செல்லத்துரை.
9) சூரனைத்தேடும் ஊர் – ஜனகப்ரியா
10) காந்திஜியின் இறுதி 200 நாட்கள் – வி. ராமமூர்த்தி
சிறந்த பத்து ஆங்கில புத்தகங்கள்
1) Kazuo Ishiguro – A Pale View of Hills
2) Broughton – The Bodhidharma Anthology – The Earliest Records of Zen
3) J.M Coetzee,. – Waiting for the Barbarians
4) Umberto Eco – Baudolino
5) Haruki Murakami, – The Wind-Up Bird Chronicle
6) Dalai Lama. – Consciousness at the Crossroads
7) Azar Nafisi, – Reading Lolita in Tehran
8) Orhan Pamuk – Istanbul
9) Khaled Hosseini – A Thousand Splendid Suns
10) Marguerite Yourcenar – Memoirs of Hadrian
சிறந்த பத்து வலைப்பக்கங்கள்
நாகர்ஜனன் : https://nagarjunan.blogspot.com/
இட்லிவடை : https://idlyvadai.blogspot.com/
ஆடு மாடு : https://aadumaadu.blogspot.com/
தனிமையின் இசை :https://ayyanaarv.blogspot.com
லிவிங் ஸ்மைல் வித்யா : https://livingsmile.blogspot.com/
தமிழ்நதி : https://tamilnathy.blogspot.com/
லேகா : https://yalisai.blogspot.com/
சுரேஷ்கண்ணன் : https://pitchaipathiram.blogspot.com
மதி கந்தசாமி : https://mathy.kandasamy.net
பத்ரி : https://thoughtsintamil.blogspot.com.
பிடித்த ஊர்கள்
கோல்கும்பாஸ் – திப்பு சுல்தானின் கல்லறை உள்ள இடம். கர்நாடகாவில் உள்ள ஸ்ரீரங்கபட்டனம் அருகில் உள்ளது
மறையூர் – பொள்ளாச்சி அருகில் உள்ள இயற்கைவனப்பு மிக்க இடம்
மனோரா – சரபோஜி மன்னர்களால் கட்டப்பட்ட பழமையாக கலங்கரை விளக்கம் உள்ளது. புதுக்கோட்டையிலிருந்து அரைமணி நேர பயணத்தில் உள்ளது.
தூலிகட்டா – ஆந்திராவின் கரீம்நகர் பகுதியில் உள்ள பௌத்த மடாலயம் மற்றும் ஸ்தூபி. இடிந்து போன நிலையில் உள்ளது. பெத்தபள்ளி ரயில்நிலையத்திலிருந்து 23 கிலோ மீட்டர்.
கோவிலகம் : ஆலப்புழா அருகில் உள்ள படகுத்துறை. காயலில் மிதந்து செல்லும் படகுகள். எல்லையற்ற நீர்நிலை. அற்புதமான அனுபவம் தரக்கூடியது.
ஒரியூர் – போர்த்துகீசிய தேவாலயம் உள்ளது. இங்குள்ள கண்ணாடி வேலைப்பாடுகள் மிக அழகானவை. குறிப்பாக சூரிய ஒளியில் அவை நிறமாற்றம் கொள்ள கூடியவை. தேவகோட்டையில் இருந்து அரைமணி நேர பயணத்தில் உள்ளது.
பன்றிமலை – திண்டுகல்லில் இருந்து அரைமணி நேர பயணத்தில் உள்ளது. காட்டில் இறங்கி இரண்டு மணி நேரம் உள்ளே நடந்தால் மலைவாழை தோட்டங்கள், எஸ்டேட்டுகள் உள்ளன. பேருந்து வசதி அற்ற மலைகிராமங்கள் உள்ளன.
சிறப்பு பாராட்டு பெறுபவை.
உயிரோசை : சமகால இலக்கியம், கலை சமூக விஷயங்களை கவனப்படுத்தும் புதிய இணைய இதழ். https://www.uyirmmai.com/Uyirosai/Default.aspx?edtypeid=2
த சண்டே இந்தியன் – இருவார இதழ் – சமூகம் அரசியல் சார்ந்த கவனத்துக்குரிய கட்டுரைகள், தனித்த பார்வைகள் கொண்ட இதழ்.
தலித் முரசு – மதவாதம், ஒடுக்குமுறை , அதிகார அரசியல் போன்ற விஷயங்களை கடுமையாக விமர்சனம் செய்வதுடன் தலித்மேம்பாடு பெரியாரிய சிந்தனைகள் போன்ற தளங்களில் தீவிரமாக செயல்பட்டு வரும் மாதஇதழ்.
கீற்று .காம் -தமிழ் சிற்றிதழ்களை ஒன்றினைணத்து ஒரே தளத்தில் வாசிக்க செய்த இவர்களின் முயற்சி மிகுந்த பாராட்டிற்கு உரியது. சமகால கலை இலக்கியம் அரசியல் சார்ந்த நேர்காணல்கள் கட்டுரைகள் இதன் கூடுதல் சிறப்பம்சம் www.keetru.com
நூலகம் . நெட் – ஈழத்து படைப்பாளிகளின் முக்கிய படைப்புகள் யாவையும் மின் நூல்களாக்கி இலவசமாக தரவிறக்கம் செய்து கொள்ளும்படியாக உருவாக்கபட்ட இணையதளம். இந்த முயற்சிக்கு துணை நிற்கும் நண்பர்கள் படைப்பாளிகள் பாராட்டுக்கு உரியவர்கள். ஈழத்து படைப்பிலக்கியம் குறித்து அறிந்து கொள்ள விரும்புகின்ற ஒவ்வொருவரும் அவசியம் இதனை பார்வையிட வேண்டும் https://noolaham.net தேசிய நாட்டார் வழக்காற்றியல் மையம் சென்னை.( National Folklore Support Centre) நாட்டார்வழக்காற்றில் துறை மட்டுமின்றி உலக படங்களை திரையிடுதல், இயக்குனர்கள், எழுத்தாளர்கள் , கவிஞர்கள், ஆய்வாளர்களை அழைத்து மாதம் ஒரு கூட்டம் நடத்துதல், பயிற்சிபட்டறைகள் நடத்துவது. நாட்டார்கலைகளை ஆவணப்படுத்துதல் என்ற முன்முயற்சிகளை மேற்கொண்டுவருவதற்காக பாராட்டுக்கு உரியது. இதனை செயல்படுத்தி வருபவர் இதன் தலைவராக உள்ள எழுத்தாளர் எம்.டி. முத்துகுமாரசாமி. www.indianfolklore.org NHM Writer : தமிழில் யுனிகோடில் எழுதுவதற்கு உதவியாக என்ஹெச் எம் என்ற மென்பொருளை உருவாக்கி அதை இலவசமாக தரவிறக்கம் செய்து கொள்ளும்படியான ஏற்பாடு செய்துள்ள நியூ ஹரிசன் மீடியா விற்கும் அதற்கு காரணமாக இருந்த பத்ரி மற்றும் தொழில்நுட்ப குழுவினர்களுக்கு மிகுந்த பாராட்டுகள் https://software.nhm.in/ தமிழ் குறும்பட இணையதளம். தமிழில் தயாரிக்கபடும் குறும்படங்கள் ஆவணப்படங்களுக்கான ஒருங்கிணைந்த இணையதளம். இந்த தளம் குறும்படங்களை இயக்குதல் மற்றும் திரையிடுதல் விமர்சனம் ஆகிய தளங்களில் யாவருடனும் பகிர்ந்து கொள்ளும் பாலமாக உள்ளது. அதற்கான சிறப்பு வாழ்த்துகள். https://www.thamizhstudio.com/enter.htm நம்பிக்கை தரும் இளம் படைப்பாளிகள் 1. அஜயன்பாலா – சினிமா இலக்கியம் என்று தொடர்ந்து எழுதிவருபவர் 2. திருச்செந்தாழை – கவனத்துக்குரிய சிறுகதையாசிரியர். புதிய படைப்பாளி 3. வாமுகோமு – சிறுகதை நாவல் என்று தொடர்ந்து எழுதி வரும் கவனத்துகுரிய படைப்பாளி 4. சுந்தர புத்தன் – ஒவியம் சிற்பம் என்று நுண்கலை குறித்த தேடுதல் கொண்ட கட்டுரையாளர் பத்திரிக்கையாளர். 5. லதா – சிங்கப்பூரில் வசிப்பவர். நவீன சிறுகதைகள், கவிதைகள் எழுதி வரும் இளம் படைபாளி. 6. தமிழ்மகன் – சிறுகதையாசிரியர், பாப்புலர் சினிமா பற்றி எழுதிவரக்கூடியவர். பத்திரிக்கையாளர். 7. பாலமுருகன் – மலேசியாவில் வசிப்பவர். நவீன சிறுகதையாசிரியர். மலேசியாவில் நடைபெற்ற நாவல் போட்டியில் முதல்பரிசு பெற்றவர். நம்பிக்கை உரிய இளம்படைப்பாளி. 8. மலர்செல்வன் – கவனத்துக்குரிய ஈழத்து படைப்பாளி. பெரிய எழுத்து என்ற சிறுகதை தொகுப்பு வெளியாகி உள்ளது. மறுகா என்ற சிற்றிதழ் ஆசிரியர். 9. திசேரா – புதிய சிறுகதையாசிரியர். ஈழத்து படைப்பாளி. சிறுகதை வடிவம் மற்றும் கதை சொல்லும் முறையில் புதிய பாய்ச்சலை உருவாக்கிவருபவர். 10. பஹீமாஜஹான்- நவீன பெண் கவிஞர். நம்பிக்கைக்கு உரிய ஈழத்து படைப்பாளி.***