வியட்நாமைச் சேர்ந்த பௌத்த துறவி திக் நியட் ஹான் (Thich Nhat Hanh) ஒரு ஜென் மாஸ்டர். வியட்நாமிலிருந்து நாடு கடத்தப்பட்ட அவர் தெற்கு பிரான்சின் போர்டியாக்ஸுக்கு அருகில் Plum Village என்ற மடாலயம் ஒன்றை உருவாக்கியிருக்கிறார். மனசாந்தி வேண்டும் எவரும் அங்கே வந்து தங்கலாம். தியானம் பயிலலாம். பிக்குகள் மற்றும் பிக்குணிகளுக்கான பயிற்சிக்கூடமாகவும் இது செயல்படுகிறது. திக் நியட் ஹானின் வழிகாட்டுதலைப் பற்றிய ஆவணப்படமே Walk with Me. இப்படம் பிளம் கிராமத்திற்கு வரும் பயணிகளைப் …
சென்னையும் நானும் காணொளித் தொடரின் 15 வது பகுதி வெளியாகியுள்ளது இணைப்பு https://youtu.be/qsfksjNHFms 21.3.20
மலையுச்சியிலிருந்து பூமியை நோக்கி அருவி கொட்டுவதைப் போலத் தனது கூந்தலிலிருந்து பாதம் நோக்கி நீரைப் பொழிந்து கொண்டிருக்கும் ஒரு பெண் இருந்தாள். ஆம். கூந்தலில் அருவியைச் சூடியவள் என அழைக்கப்பட்ட அப்பெண்ணின் தலையிருந்து அருவி போலத் தண்ணீர் பகலிரவாக வழிந்தோடிக் கொண்டேயிருந்தது. அடர்ந்த கருங்கூந்தல் கொண்ட அந்தப் பெண்ணிற்கு முப்பது வயதிருக்கக் கூடும். வெண்கலச்சிலை போன்ற உடலமைப்பு. விளக்கின் சுடர் போன்ற கண்கள். திருமணம் செய்து கொண்ட மூன்று வாரத்தில் அவள் கணவன் கடலோடியாகப் போய்விட்டான். பதிமூன்று …
The Biggest Little Farm என்ற ஆவணப்படத்தைப் பார்த்தேன். கிளாசிக் நாவல்களை வாசிக்கையில் ஏற்படும் மன எழுச்சிக்கு நிகரான உணர்வினை அடைந்தேன். ஒரு டாகுமெண்டரி திரைப்படம் என்பதைத் தாண்டி இயற்கையோடு இணைந்து வாழுவதற்கான ஆதார பாடம் என்றே இதனைக் கூற வேண்டும். கலிபோர்னியாவின் சாண்டா மோனிகாவில் வசித்து வந்த ஜான் மற்றும் மோலி செஸ்டர் நகரவாழ்க்கையிலிருந்து விலகி புதிய பாதையில் பயணிக்க முயன்றார்கள். இதற்கு முக்கியமான காரணம் அவர்களின் வளர்ப்பு நாய் டோட். ஜான் ஒரு ஒளிப்பதிவாளர். …
பிரான்ஸ் காஃப்கா சிறுவனாக இருந்த போது ஒரு நாள் போலீஸ்காரன் ஒரு திருடனைக் கைது செய்து அழைத்துக் கொண்டுபோவதைக் கண்டார். அவர் வயதை ஒத்த சிறுவர்கள் திருடனைத் துரத்தியபடியே பின்னால் ஓடினார்கள். காஃப்கா ஒரு திருடனை அன்று தான் முதன்முறையாக நேரில் பார்க்கிறார். ஆகவே அருகில் போய்ப் பார்க்க முனைந்தார். அந்தத் திருடனுக்கு முப்பது வயதிருக்கும்.ஆறடிக்கும் அதிகமான உயரம். மீசையில்லாத முகம். வெளிறிப் போன குளிராடை அணிந்திருந்தான். அவனது தோற்றம் ஏதோ அலுவலகக் குமாஸ்தா போலவேயிருந்தது. போலீஸ்காரன் …
வெளியூர் செல்லும் நேரங்களில் அவன் தன் மனைவியை ஒரு சூட்கேஸ் போல உருமாற்றி எடுத்துச் சென்றுவிடுவான். சூட்கேஸ் ஒருபோதும் பயண நெருக்கடி பற்றியோ, புதிய இடம் பற்றியோ முணுமுணுப்பதில்லை. அதற்குச் சிறிய மூலை போதும். அவனுக்குத் தேவையான உடைகள். பற்பசை, சேவிங்கிரீம், ரப்பர் செருப்பு வரை எல்லாவற்றையும் பாதுகாப்பாக வைத்துக் கொண்டது சூட்கேஸ். விடுதிகளின் வரவேற்பறையில் அவன் சூட்கேஸ் உடன் நிற்பது தான் பெருமையாகக் கருதப்பட்டது. வெறும் கையோடு வருபவனைப் பயணியாக யாரும் மதிப்பதில்லை. அவன் வெளியே …
அமேசான் காடுகளில் வாழும் முண்டிரு என்ற பழங்குடியினர் பேசும் மொழியில் காலத்தைக் குறிக்கும் சொற்கள் கிடையாது. பன்மை சொற்கள் கிடையாது. அப் பழங்குடியின் மொழி பற்றி ஆராய்ச்சி செய்வதற்காக ஜோன்ஸ் வாழ்நாளின் பெரும்பகுதியை அமேசானில் கழித்தார். முதுமையில் நாடு திரும்பி வந்த போது அவரைச் சந்தித்த நண்பர் கேட்டார் “அமெரிக்காவிலிருந்து அங்குப் போய்ச்சேர எவ்வளவு நாட்களானது“ ஜோன்ஸ் சொன்னார் “இங்கிருந்து சான்டரெம் வரை ஒன்பது மணி நேர விமான பயணம். பின்பு அங்கேயிருந்து படகில் ஆறு மணி …
அகிரா குரசேவாவின் Kagemusha திரைப்படம் மன்னரைப் போலவே உருவ ஒற்றுமை கொண்ட திருடன் ஒருவனைப் பிடித்து மன்னருக்குப் பதிலாக எப்படி நடிக்க வைக்கிறார்கள் என்பதை அழகாகப் பதிவு செய்திருந்தது. இதே கதையின் மற்றொரு வடிவம் போன்ற திரைப்படமே Zhang Yimou இயக்கத்தில் வெளியாகியுள்ள Shadow. House of Flying Daggers, Hero போன்ற தற்காப்புக்கலை சார்ந்த வரலாற்றுப் படங்களை இயக்கிய ஜாங் யிமோ இப்படத்தில் Martial arts திரைப்படங்களின் உச்சத்தைத் தொட்டிருக்கிறார். சீன ஒவியங்களிலிருந்த பூக்களையும் நிலக்காட்சி …
அவர் சிறுவயதிலிருந்தே புகழ்பெற வேண்டும் என்பதில் மிகுந்த ஆசை கொண்டிருந்தார். இதற்காகவே இசை கற்றுக்கொண்டார். நடனம் பயின்றார். நாடகங்களில் நடிக்கவும் செய்தார். அவரது பெயரையும் புகைப்படத்தையும் சுவரொட்டியில் பார்க்கும் போது மேகக்கூட்டத்தில் மிதப்பது போலச் சந்தோஷம் கொண்டார். சினிமாவில் கதாநாயகனாக நடித்துப் பணமும் மரியாதையும் வசதிகளும் அடைந்த போது புகழ் அவரது வளர்ப்பு நாய் போலக் கூடவே சென்றது. அந்த மகிழ்ச்சியில் தனது வீட்டின் எதிரில் தன்னுடைய உருவச்சிலை ஒன்றை நிறுவச் செய்திருந்தார். ஒவ்வொரு நாளும் அந்தச் …
தமிழ் இலக்கியத்தை ஆவணப்படுத்தும் அரிய முயற்சியில் தொடர்ந்து செயல்பட்டு வரும் ஸ்ருதி டிவி தற்போது இலக்கியத்திற்கென்றே தனியாக Shruti TV Literature சேனலை உருவாக்கியிருக்கிறார்கள். இதில் புத்தக வெளியீடுகள். இலக்கிய உரைகள், புத்தகக் கண்காட்சி பற்றிய பதிவுகள், கல்விப்புலம் சார்ந்த இலக்கிய நிகழ்வுகள், இலக்கிய முகாம்கள் பற்றிய காணொளிகள் முதன்மையாக இடம் பெறும். புதிய முயற்சியை மேற்கொள்ளும் கபிலன், சுரேஷ் உள்ளிட்ட ஸ்ருதி டிவி குழுவினர்கள் அனைவரையும் வாழ்த்துகிறேன். Shruti TV Literature சேனலில் சிற்பி வித்யாசங்கர் …
