செங்கதிர் தமிழின் மிக முக்கியமான மொழிபெயர்ப்பாளர். கேப்ரியல் கார்சியா மார்க்வெஸின் சிறுகதையை செங்கதிர் சிறப்பாக மொழியாக்கம் செய்திருக்கிறார். அத்துடன் ரேமண்ட் கார்வர் சிறுகதைகளை மொழியாக்கம் செய்து தனியொரு தொகுப்பாகவும் வெளியிட்டிருக்கிறார். வீட்டின் மிக அருகில் மிகப்பெரும் நீர்ப்பரப்பு என்ற அத்தொகுப்பை காலச்சுவடு வெளியிட்டுள்ளது.
செங்கதிர் மொழிபெயர்ப்பில் சென்ற ஆண்டு வெளியான தொகுப்பு இந்தப் பிரபஞ்சத்தின் பெயர்-கதை.
இந்தத் தொகுப்பின் சிறப்பு எழுத்தாளர்களை முக்கிய கதாபாத்திரங்களாக கொண்ட உலகப்புகழ்பெற்ற சிறுகதைகளை கொண்டது என்பதே.
செங்கதிரின் மொழியாக்கம் அபாரமானது. வெளியாகி ஒராண்டிற்கு மேலாகியும் இந்தத் தொகுப்பு கவனம் பெறவில்லை.
உலக இலக்கியத்தின் மீது ஆர்வம் கொண்ட அனைவரும் வாசிக்க வேண்டிய முக்கியமான தொகுப்பு.
தமிழினி பதிப்பகம் வெளியிட்டுள்ளது.
இந்தப் பிரபஞ்சத்தின் பெயர்-கதை
பிறமொழிக் கதைகள் / செங்கதிர்
தமிழினி பதிப்பகம்
Rs. 150